آلو بینگن بنانے کا طریقہ

بینگن کاٹ کر پکانے تک پانی کے پیالے میں رکھیں تاکہ کالے نہ ہوں۔ پکانے سے ذرا پہلے پانی نکال دیں۔

چوڑے برتن میں درمیانی آنچ پر تیل گرم کریں۔ زیرہ، سونف اور کلونجی ڈال کر تڑخنے دیں، پھر پیاز ڈال کر سنہری ہونے تک تلیں۔

⏱ 7 منٹ

ادرک لہسن کا پیسٹ ڈال کر ایک منٹ بھونیں۔ ٹماٹر، ہری مرچیں، نمک، لال مرچ، ہلدی اور پسا دھنیا ڈال کر تیل الگ ہونے تک بھونیں۔

⏱ 6 منٹ

آلو ڈال کر 3 منٹ مصالحے میں بھونیں۔ پانی ڈالیں، ڈھکن رکھیں اور ہلکی آنچ پر آلو آدھے گلنے تک پکائیں۔

⏱ 8 منٹ

بینگن ڈالیں، آہستہ سے ملائیں، پھر ڈھکن رکھ کر ہلکی آنچ پر دونوں گلنے تک پکائیں۔ صرف ایک دو بار چلائیں۔

⏱ 12 منٹ

ڈھکن ہٹا کر چند منٹ پکائیں تاکہ زائد پانی خشک ہو جائے اور تیل نظر آنے لگے۔ گرم مصالحہ اور ہرا دھنیا چھڑک کر پیش کریں۔

⏱ 3 منٹ